Presidenti i Republikes se Shqiperise

Lista elektronike

Jetëshkrim i Presidentit të Republikës Prof. Dr. Bamir Topi

Prof. Dr. Bamir Topi ka lindur në Tiranë me 24 prill 1957 në një familje autoktone tiranase me tradita intelektuale e qytetare. Eshtë i martuar dhe ka dy vajza. Prindërit e tij kanë treguar mjaft vëmendje në edukimin e tre djemve të tyre, vëmendje e reflektuar në suksesin e tyre profesional dhe shoqëror. Familja e Prof. Dr. Topit ka dhënë një kontribut të ndjeshëm në zhvillimin e Tiranës që prej fillimeve të saj e deri në ditët e sotme. Pas përfundimit të studimeve në Universitetin Bujqësor të Tiranës, Fakulteti i Mjekësisë Veterinare me rezultate të larta, Prof. Dr. Bamir Topi nis punën në Petrelë të Tiranës ku spikat për përkushtimin dhe aftësitë e tij në fushën e Toksikologjisë dhe Farmakologjisë. Për këtë arsye emërohet në vitin 1984 bashkëpunëtor shkencor në Institutin e Kërkimeve Shkencore Veterinare, ku qëndron deri në vitin 1995. Në vitet 1987-1990 ai kryen studimet pasuniversitare në Itali në fushën e Biologjisë molekulare, studime që i përfundon me marrjen e gradës Doktor i Shkencave. Pas kthimit nga Italia ai emërohet Drejtor i Institutit të Sigurisë Ushqimore dhe të Veterinarisë, pozicion që e mban deri në fund të vitit 1995. Gjatë aktivitetit në këtë Institut si drejtues dhe kërkues shkencor, Z. Topi i dha këtij institucioni të rëndësishëm për vendin një fizionomi perëndimore. Krahas punës si kërkues shkencor, Prof. Dr. Bamir Topi ka kryer dhe një aktivitet të ngjeshur akademik, në përgatitjen e programeve mësimore të Lëndës së Toksikologjisë dhe Farmakologjisë për studentët dhe pasuniversitarët e Fakultetit të Mjekësisë Veterinare si dhe ka qenë edhe lektor i këtyre lëndëve për një periudhë gati dhjetë vjeçare. Për arsye të këtij aktiviteti si dhe botimeve të shumta shkencore dhe pedagogjike Z. Bamir Topi fiton titullin Profesor në vitin 1995. Krahas aktivitetit shkencor e pedagogjik, Z. Bamir Topi ka edhe një aktivitet të gjerë politik, i cili daton që me fillimet e lëvizjes demokratike në vitin 1990. Në vitin 1996 zgjidhet për herë të parë deputet i Kuvendit të Shqipërisë dhe emërohet Ministër i Bujqësisë dhe Ushqimit deri në vitin 1997 kur Partia Demokratike kalon në opozitë. Z. Topi është zgjedhur 3 herë deputet i Kuvendit të Shqipërisë, 2 herë N/Kryetar i Partisë Demokratike dhe Kryetar i Grupit të saj Parlamentar. Gjatë gjithë aktivitetit të tij politik dhe publik, Z. Topi ka spikatur duke u vlerësuar gjërësisht si një politikan me profil të moderuar, mjaft aktiv në zgjidhjen e krizave politike mes pozitës e opozitës dhe protagonist i marrëveshjeve politike e i nismave të ndryshme parlamentare. Z. Bamir Topi ka qenë vazhdimisht i pranishëm në mass median shqiptare e atë të huaj me qëndrimet e tij konstante dhe koherente me realitetet e ndryshme të vendit. U zgjodh President i Shqipërisë më 20 Korrik 2007. .

Presidenti Topi me drejtues të QSHRT-së, të Bashkimit të Sindikatave Shqiptare dhe të shoqatave të të përndjekurve politikë.

10/3/2010

Presidenti Topi pret Ministrin e Arsimit të Kosovës, Enver Hoxhaj.

8/3/2010

Presidenti Topi drejton analizën vjetore të Këshillit të Lartë të Drejtësisë për sistemin gjyqësor.

8/3/2010

Presidenti Topi me Rektorin e Universitetit “Eqerem Çabej” Prof. Sala

5/3/2010