2 shkurt 2012

Presidenti i Republikës, Prof. Dr. Bamir Topi priti sot Kryetarin e ri të Kontrollit të Lartë të Shtetit, Bujar Leskaj. Në këtë takim të parë zyrtar, Kryetari i Shtetit e përgëzoi zotin Leskaj për zgjedhjen në këtë post të lartë me përgjegjësi duke i uruar suksese dhe punë të mbarë në detyrën e tij të rëndësishme në krye të një institucioni të pavarur kushtetues.

 

1 shkurt 2012

Presidenti i Republikës, Prof. Dr. Bamir Topi priti sot paradite, me kërkesën e tyre, një përfaqësi sindikaliste të punonjësve të naftës dhe gazit, të kryesuar nga Kryetari i Federatës së Naftëtarëve, Dilaver Xhelili.

 

31 janar 2012

Presidenti i Republikës, Prof. Dr. Bamir Topi priti sot Drejtorin e Prokurorisë Publike në Angli, Keir Starmer, me të cilin zhvilloi një takim pune me temë qendrore zgjerimin dhe intensifikimin e bashkëpunimit pozitiv mes strukturave të drejtësisë në dy vendet tona. Në takim ishte e pranishme edhe Ambasadorja e Mbretërisë së Bashkuar në Tiranë, Fiona Mekiluam.

 

31 janar 2012

Presidenti i Republikës, Prof. Dr. Bamir Topi priti sot paradite Kryetarin e Komisionit të Jashtëm të Asamblesë së Madhe Kombëtare të Turqisë, Volkan Bozkir dhe delegacionin parlamentar turk, që po zhvillon një vizitë pune në Shqipëri dhe në disa vende të tjera të rajonit.